శ్రీ రామాయణం

ఆచార్య స్తుతి:

శ్రీశైలేశ దయాపాత్రం దీభక్త్యాది గుణార్ణవం |

యతీంద్ర ప్రవణం వందే రమ్యజామాతరం ముని౦ ||

లక్ష్మీ నాథ సమారంభాం నాథ యామున మధ్యమాం |

అస్మదాచార్య పర్యంతాం వందే గురు పరంపరాం ||     

యోనిత్య మచ్యుత పదాంబుజ యుగ్మరుక్మ

వ్యామోహత స్త దితరాణి తృణాయ మేనే |

అస్మ ద్గురో ర్భగవతో౭స్య దయైక సింధో:

రామానుజస్య చరణౌ శరణం ప్రపద్యే ||

మాతా పితా యువతయ స్తనయా విభూతి:

సర్వం యదేవ నియమేన మదన్వయానాం |

ఆద్యస్య న: కులపతే ర్వకుళాభిరామం

శ్రీమ త్తదంఘ్రి యుగళం ప్రణమామి మూర్ధ్నా ||

భూతం సరశ్చ మహదాహ్వయ భట్టనాథ

శ్రీభక్తిసార కులశేఖర యోగి వాహాన్ |

భక్తాంఘ్రి రేణు పరకాల యతీంద్ర మిశ్రాన్

శ్రీమత్పరాంకుశ ముని ప్రణతో౭స్మి నిత్యం       ||

శ్రీశైల పూర్ణ విషయం

పితామహ స్యా౭పి పితామహాయ

ప్రాచేతసా౭౭దేశ ఫల ప్రదాయ |

శ్రీ భాష్యకారోత్తమ దేశికాయ

శ్రీశైల పూర్ణయ నమో నమస్తాత్ ||

శ్రీ విష్వక్సేన ధ్యానం : 

శుక్లాంబరధరం విష్ణుం శశివర్ణం చతుర్భుజమ్

ప్రసన్న వదనం ధ్యాయేత్ సర్వ విఘ్నోపశాంతయే |   

యస్య ద్విరద వక్త్రాద్యాః పారిషద్యా: పరశ్శతం

విఘ్నం నిఘ్నంతి సతతం విష్వక్సేనం తమాశ్రయే ||  

శ్రీ హయగ్రీవ ధ్యానం :

జ్ఞానానందమయం దేవం నిర్మల స్ఫటికా౭౭కృతిం

ఆధారం సర్వ విద్యానాం హయగ్రీవ ముపాస్మహే |                 

అభంగుర కలాదాన స్థూల లక్షత్వ మీయుషే

తుంగాయ మహాసే తస్మై తురంగాయ ముఖే  నమః ||

శ్రీ వాల్మీకి ధ్యానం :

కూజంతం రామ రామేతి మధురం మధురాక్షరం |

ఆరుహ్య కవితా శాఖాం వందే వాల్మీకి కోకిలం ||

                  

వాల్మీకే ర్ముని సింహస్య కవితా వనచారిణః |

శ్రుణ్వన్ రామ కధా నాదం కో న యాతి పరా౦గతిం      ||

యః పిబన్ సతతం రామ చరితామృత సాగరం |

అతృప్తస్తం మునిం వందే ప్రాచేతస మకల్మషం ||                

శ్రీ ఆంజనేయ ప్రార్ధనా :

గోష్పదీకృత వారాశిం మశకీ కృత రాక్షసం |

రామాయణ మహా మాలారత్నం వందే౭నిలాత్మజం ||   

అంజనా నందనం వీరం జానకీ శోక నాశనం |

కపీశమ౭క్ష హన్తారం వందే లంకా భయంకరం ||         

ఆమిషీ కృత మార్తాండం గోష్పదీ కృత సాగరం |

తృణీ కృత దశగ్రీవ మాంజనేయం నమా మ్య౭హం      ||       

మనోజవం మారుత త్యుల్య వేగం

జితేంద్రియం బుద్ధిమతాం వరిష్ట౦ |

వాతాత్మజం వానర యూధ ముఖ్యం

శ్రీ రామ దూతం శిరసా నమామి ||                                     

ఉల్లంఘ్య సింధో స్సలిలం సలీలం

య శ్శోక వహ్నిం జనకాత్మజాయాః |

ఆదాయ తేనైవ దదాహ లంకాం         

నమామి తమ్ ప్రాంజలిరాంజనేయం ||                              

ఆంజనేయ మతి పాటలాననం

కాన్చనాద్రి కమనీయ విగ్రహం

పారిజాత తరు మూల వాసినం

భావయామి పవమాన నందనం |                            

యత్ర యత్ర రఘునాధ కీర్తనం         

తత్ర తత్ర కృత మస్తకాంజలిం

బాష్ప వారి పరిపూర్ణ లోచనం

మారుతిం నమత రాక్షసాన్తకం ||                                                

శ్రీ రామాయణ ప్రార్ధనా :

వేద వేద్యే పరే పుంసి జాతే దశరాధాత్మజే |

వేదః ప్రాచేత సాదాసీత్ సాక్షాత్ రామాయణాత్మనా       ||

                  

చరితం రఘునాధస్య శతకోటి ప్రవిస్తరం

ఏకైక మక్షరం ప్రోక్తం మహా పాతక నాశనం       |                  

శ్రుణ్వన్  రామాయణం భక్త్యా యః పాదం పదమేవవా

స యాతి బ్రహ్మణ స్థానం బ్రహ్మణా పూజ్యతే సదా        ||       

         

వాల్మీకి గిరి సంభూతా రామ సాగర గామినీ |

పునాతి భువనం పుణ్యా రామాయణ మహా నదీ. ||                 

శ్లోక సార సమా కీర్ణం సర్గ కల్లోల సంకులం |

కా౦డ  గ్రాహ మహా మీనం వందే రామాయణార్ణవం       ||                 

యః కర్ణా౦జలి సంపుటై రహ రహ స్సమ్యక్ పిబత్యాదరాత్ |

వాల్మీకే ర్వదనారవింద గళితం రామాయణాఖ్యం మధు ||       

జన్మ వ్యాధి జరా విపత్తి మరణై రత్యంత సోపద్రవం |

సంసారం స విహాయ గచ్ఛతి పుమా న్విష్ణో: పదం శాశ్వతం ||             

తదుపగత సమాస సంధి యోగం

సమ మధురోపనతార్ధ వాక్య బద్ధం |

రఘువర చరితం ముని ప్రణీతం

దశ శిరస శ్చ వధం నిశామయధ్వం ||                               

శ్రీ రామ ప్రార్ధనా:

శ్రీ రాఘవం దశరధాత్మజ మప్రమేయం

సీతాపతిం రఘుకులాన్వయ రత్న దీపం |

ఆజానుబాహుమ౭రవింద దళాయతాక్షం

రామం నిశాచర వినాశకరం నమామి. ||                              

వైదేహీ సహితం సుర ద్రుమతలే హైమే మహా మండపే

మధ్యే పుష్పక మాసనే మణిమయే వీరాసనే సుస్థితం |

అగ్రే వాచయతి ప్రభంజన సుతే తత్త్వమ్ మునిభ్యః పరం

వ్యాఖ్యాంతం భారతాదిభి: పరివృతం రామం భజే శ్యామలం     ||

ఆపదామపహర్తారం దాతారం సర్వ సంపదాం |

లోకాభిరామం శ్రీ రామం భూయో భూయో నమామ్యహం ||