||SRI GANESHA STUTI||
॥ శ్రీగణేశస్తుతీ ॥
వన్దే గజేన్ద్రవదనం వామాఙ్కారూఢవల్లభాశ్లిష్టమ్ ।
కుఙ్కుమరాగశోణం కువలయినీజారకోరకాపీడమ్ ॥ ౧॥
విఘ్నాన్ధకారమిత్రం శఙ్కరపుత్రం సరోజదలనేత్రమ్ ।
సిన్దూరారుణగాత్రం సిన్ధురవక్త్రం నమామ్యహోరాత్రమ్ ॥ ౨॥
గలద్దానగణ్డం మిలద్భృఙ్గషణ్డం
చలచ్చారుశుణ్డం జగత్త్రాణశౌణ్డమ్ ।
లసద్దన్తకాణ్డం విపద్భఙ్గచణ్డం
శివప్రేమపిణ్డం భజే వక్రతుణ్డమ్ ॥ ౩॥
గణేశ్వరముపాస్మహే గజముఖం కృపాసాగరం
సురాసురనమస్కృతం సురవరం కుమారాగ్రజమ్ ।
సుపాశసృణిమోదకస్ఫుటితదన్తహస్తోజ్జ్వలం
శివోద్భవమభీష్టదం శ్రితతతేస్సుసిద్ధిప్రదమ్ ॥ ౪॥
విఘ్నధ్వాన్తనివారణైకతరణిర్విఘ్నాటవీహవ్యవాట్
విఘ్నవ్యాలకులప్రమత్తగరుడో విఘ్నేభపఞ్చాననః ।
విఘ్నోత్తుఙ్గగిరిప్రభేదనపవిర్విఘ్నాబ్ధికుంభోద్భవః
విఘ్నాఘౌఘఘనప్రచణ్డపవనో విఘ్నేశ్వరః పాతు నః ॥ ౫॥
No comments:
Post a Comment